Marco Fassone, administrator i deleguar i Milan, gjatë eventit Q&A të organizuar nga klubi kuqezi, ka folur ndër të tjera edhe për çështjet më të fundit të klubit, por duke nënvizuar mbi të gjitha lëvizjen e ardhshme të merkatos së kuqezinjve. Fassone ka njoftuar se gjatë ditëve në vijim do të bëhet zyrtar rinovimi i kontratës së Patrick Cutrone.
“Rinovimi i kontratës me Romagnoli ishte shumë i rëndësishëm, sepse është një sinjal që lë të kuptohet për projektet e Milan. Me Patrick ka më shumë se një shtrëngim duarsh dhe pas disa ditësh do të zyrtarizojmë rinovimin me atë. Njoftimi do të publikohet përmes “Facebook”, i gjithë procesi do të trasmetohet direkt”, deklaroi Fassone.
