Anglia sa vjen dhe bëhet më e fortë këtë Botëror. Ditën e sotme “3 luanët” kanë arritur të marrin një fitore shumë të rëndësishme 2-0 ndaj Suedisë dhe në këtë mënyrë janë në gjysmëfinale.
Padyshim që ky sukses e ka gëzuar teknikun Southgate, i cili në një prononcim për mediat është shprehur se anglezët e donin fitoren më shumë se kundërshtari.
“E dinim që ishte një ndeshje ndryshe nga ato të tjerat. Dëshira jonë ishte më e madhe se e kundërshtarit për të fituar dhe ne ia dolëm. Ne kishim më shumë cilësi dhe kualitet ndaj kundërshtarit”, është shprehur tekniku anglez.
