Rusia kërkon surprizën e radhës në “Fisht Olympic Stadium”, kundër Kroacisë, pas fitores befasuese me Spanjën në 1/8. Të besuarit e Cherchesov vijnë pas një forme të shkëlqyer ndërsa kanë befasuar me arritjen deri në çerekfinale. Oreksi vjen duke ngrënë dhe sot në mbrëmje rusët janë të motivuar për të marrë një tjetër fitore për të siguruar një blietë në gjysmëfinale ku i pret Anglia.
Nga ana tjetër Kroaica ka shumë talente në gjirin e saj dhe do të kërkojë kualifikimin me shpresën për të kaluar brezin e artë që arriti vendin e tretë në Kupën e Botës 1998. Të dy skuadrat mbërritën në këtë ndeshje pasi fituan me penallti sfidat respektive në 1/8.
Kroatët nuk janë mundur asnjëherë nga Rusia në tri ndeshje që këto ekipe kanë luajtur mes tyre në të gjitha kompeticionet, ndërsa vijnë në këtë ndeshje pas pesë fitoresh radhazi. Në krahun tjetër Rusia ka pësuar gol në tri ndeshjet e fundit dhe sulmi i frikshëm i Kroacisë favorizon ballkanasit.
Përgatiti:AlpeNews.al