Pol Pogba, i ka mbyllur gojën të gjitha kritikave pas paraqitjeve me Francën në Botërorin e Rusisë, që u kurorëzuan edhe me fitim e trofeut nga “gjelat”. Por, në një video të publikuar ditën e sotme, po qarkullon një fjalim motivues që mesfushori ka mbajtur në dhomat e zhveshjeve, pas fitores me Uruguain në çerekfinale.
“Tani u bë, nuk ka më kthim pas. Do shkojmë deri në fund. Do takohemi në 15 korrik. Të gjithë bashkë. Sot Blaise Matuidi ishte në stol dhe ishte i dëshpëruar. Ai dëshironte të luante më shumë se çdo lojtar tjetër. Është i revoltuar. Ai nuk do të jetë në fushë, por për djem të tillë do të luftojmë. Është njësoj sikur të luante. Jemi të vendosur t’ia dalim. Do luftojmë për shokët tanë. Siç kemi bërë tani. Siç bëmë ndaj Argjentinës, ndoshta edhe më shumë. Duhet të mundim më të mirët, për të qenë më të mirët.”
{“videoid”:”1531829932430″,”type”:1,”ratio”:0.75}
