Raphael Varane është “hajmalia” e Francës. Mbrojtësi i Real Madrid, në fakt, ka luajtur 10 finale në karrierën e tij dhe i ka fituar të gjitha. Një traditë prej “hajmalie” që është konfirmuar edhe me rastin e Euro 2016.
Ka qenë pikërisht finalja e humbur kundër Portugalisë në Euro 2016 që ka konfirmuar rëndësinë e qendërmbrojtësit për francezët, duke parë se ai nuk ka qenë në fushë për shkak të një dëmtimi.
Fatmirësisht për “Gjelat” dhe fatkeqësisht për kroatët, ai do të jetë në fushë në finalen e Moskës, që do të zhvillohet të dielën në orën 17:00.
