Spekulimet mbi të ardhmen e Jerome Boateng vazhdojnë. Sipas mediave spanjolle, mbrojtësi i Bayern Munich ka pasur kontakte me Real Madrid. Sipas Don Balon, Los Blancos janë gati të bëjnë çmos për të blerë Boateng.
Boateng, kontrata e të cilit skadon më 2021, pas refuzimit të transferimit të Leonardo Bonucci-t, thuhet të jetë në krye të listës së dëshirave për prapavijën e madrilenëve. Në sezonin e ardhshëm 29-vjeçari mund të bëhet partneri i Sergio Ramos në qendër të mbrojtjes. Për momentin, atë pozicion e ka zënë Raphael Varane.
Boateng, i cili është eliminuar me Gjermaninë në fazën e grupeve, gjatë javësh tashmë përflitet për një largim nga Bavaria.
Klubi gjerman është gati të dëgjojë ofertat për mbrojtësin, këtë e ka konfirmuar shefi Karl-Heinz Rummenigge.
