Futbollisti i njohur i Kombëtares Shqiptare dhe i Tiranës ka ndërruar jetë në moshën 74-vjeçare. Sot janë zhvilluar homazhet në nder të tij, ku pjesëmarrës ishte edhe Presidenti i FSHF-së Armando Duka.
Skënder Hyka ka lindur në vitin 1944 dhe ka dhënë kontribut të madh si sulmues në ekipin e Tiranës. Ai do të konsiderohet si një ndër legjendat e historisë në futbollin shqiptar.
Pas lënies së futbollit ai ka mbajtur disa pozicione ne nivel drejtuesi tek Klubi Tirana dhe Federata Shqiptare e Futbollit si sekretar i përgjithshëm dhe anëtar i komitetit ekzekutiv.
