Strategjia e Interit po jep frytet e veta. Pas një ngërçi të gjatë, Atletico Madrid më në fund i dorëzohet vullnetit të Sime Vrsaljko për tu transferuar në rradhët e Inter.
Ekipi madrilen ka pranuar edhe formulën e shitjes së nënkampionit të botës, tetë milion menjëherë, plus 17 për të drejtën e blerjes pas një viti janë shifrat e këtij operacioni. Kroati pritet në Milano në fillim të javës tjetër për kryerjen e vizitave mjekësore duke ‘mbushur’ kështu gropën e madhe të lënë bosh në krahun e djathtë të mbrojtjes së Spalletit, pas largimit të Canselo në rradhët e Juves.
