Etapa e sotme e Tour De France u ndërpre për 16 minuta pasi grupi kryesor i çiklistëve u bllokua nga një protestë e fermerëve francezë. Ata hodhën në rrugë dengje me bar të thatë për të bllokuar garën ndërsa ndërhyrja e xhandarmërisë franceze me spray për sytë për të larguar protestuesit preku edhe çillistët, disa prej të cilëve patën nevojë për trajtim mjekësor.
Në fillim u mendua se protestuesit hodhën edhe pesticide në drejtm të sportistëve, por më pas u sqarua që incidenti ndodhi për shkak të reagimit të një polici. Por edhe pse gara vazhdoi shumë çiklistë u dukën të çoroditur dhe me sa raportojnë mediet franceze dhe britanike nuk iu janë dhënë detaje mbi incidentin.
Organizatorët e garës u ndalën kur kishin mbetur edhe 187 kilometra për të përshkuar dhe çiklistët u shpërndanë në të dy anët e rrugës. Mes çiklistëve të dëmtuar ishte edhe lideri i klasifikimit Geraint Thomas dhe kampioni i botës Peter Sagan.