Kukësi ka mbërritur dje në ishullin e Maltës për të përfunduar raundin e parë eliminator në Champions League. Skuadra ka udhëtuar plotë dhe ka marrë përkrahjen e presidentin Gjici, i cili e kërkon kualifikimin me patjetër në raundin e dytë. Gjatë rrugës presidenti ka shkëmbyer batuta me të gjithë pjesëtarët e skuadrës dhe largimi i Pacult nga klubi ka sjellë buzëqeshje te kreu i klubit verilindor.
Ashtu sicc e ka përmendur dhe në media, shkodrani Cungu ka mbështetjen dhe besimin e plotë të Gjicit. Për të mos zbehur shpresat e kualifikimit pavarësisht se luajnë në fushën kundërshtare Gjici u ka premtuar shpërblim tejet të kënaqshëm lojtarëve nëse ata garantojnë fitoren.
