Futboll Seria A Sport

Milani fillon përgatitjet, Gattuso flet për ndryshimin e pronësisë

Pavarësisht problemeve të reja që kanë dalë me pronësinë e klubit, Milani i Gattusos nisi zyrtarisht përgatitjet për sezonin e ardhshëm futbollistik.

Tekniku i kuqezinjve, Genaro Gattuso doli në një konferencë për shtyp, ku foli për situatën aktuale, ndërsa pranoi se ka nevojë për më shumë qetësi.

“Natyrisht që kjo nuk është një periudhë e mirë, sa i përket çështjeve organizative të klubit, por jam i sigurt se do të vijnë gjëra më të mira. Skuadrën e shoh të qetë, pasi askush nga lojtarët nuk na ka kërkuar largimin, por nëse do të kishte akoma më shumë qetësi, do të ishte edhe më mirë për punën tonë. E vërteta është se këto probleme na shoqërojnë prej kohësh, por ne në klub nuk i kemi ndjerë, pasi kemi pasur gjithmonë financat e duhura për të punuar”, deklaroi tekniku i Milanit.
Sa i përket merkatos, Gattuso theksoi se ua ka bërë të qarta dëshirat e tij drejtuesve, ndërsa për formacionin tha se do të jetë fusha ajo që do ta vendosë.

“Emrat që do të doja në merkato, klubi i di tashmë dhe shpresojmë të bëhet ndonjë gjë. Dua një zëvendësues për Kessie dhe një sulmues anësor. Sa i përket sulmit, kemi 4 në majë, ndaj nuk do të jetë e nevojshme të marrim edhe Zazën, që është shumë i ngjashëm me Cutronen. Pres që disa lojtarë të bëhen më të “këqij” në fushë dhe të meritojnë formacionin, pasi askush nuk të dhuron gjë, në futbollin e sotëm”, tha trajneri Gattuso.

Related posts

Kosovarët e Zvicrës premtojnë “LUFTË” kundër SERBËVE të zemëruar

Isa.Autor

Veseli tregon optimizëm para Skocisë: Kemi marrëdhënie të mira, dëshirë për të…

Isa.Autor

SHTOHEN TELASHET KLUBI “ZIKALTËR”/ Marotta vendos: Kjo gjë s’do të ndodhë më kurrë tek Interi

Delo.autor

Leave a Comment