Roberto Martinez nuk ka asnjë problem me futbollistët, të cilët janë të gjithë të përdorshëm, me përjashtim të Mënie (i skualifikuar). Pikërisht kjo mungesë ndikon zgjedhjet në krahun e djathtë ku mund të spostohet Alderuaireld dhe Vermalen të aktivizohet në qendër.
Në konferencë për shtyp, trajneri i “Djajve” foli për sidën e sotme duke deklaruar: “Kemi një shans unik dhe duam të shfrytëzojmë. Kemi dy vjet që punojmë dhe duam të bëjmë krenar popullin belg. Meritat për këtë arritje i takojnë dhe paraardhësit tim, profesorit Mark Vilmots, i cili ka vendosur themelet e këtij grupi fantastik”.
Ai mund të bëhet trajneri i parë i huaj që fiton një kampionat botëror, po ky nuk është synimi i Martinez që tha: “Nëse humbet një ndeshje në një kampionat kombëtar, mund të rikuperosh, ndërsa këtu jo. Ka shumë presion, megjithatë mendoj se e kemi merituar të mbërrijmë deri këtu, ndaj le të luajmë pa frikë pasi djemtë janë të gjithë gati”.
