Kandidati i parë për të lënë Juventusin nga mesfushorët aktualë është Sami Khedira, sipas asaj që raporton “La Gazzetta dello Sport”.
Mesfushori gjerman mund të arrijë në zgjidhjen e kontratës në mënyrë konsensuale me “Zonjën e Vjetër”, duke i dhënë fund aventurës së tij juventine pas katër sezonesh edhe me një shpërblim financiar nga kampionët e Italisë.
Gjermani ka kontakte me klubin turk të Fenerbahces. Gjigantët e Stambollit e duan futbollistin me origjinë turke për të zëvendësuar Elmaz.
Edhe Beshiktashi interesohet për 32-vjeçarin, ndërsa mediat angleze nuk përjashtojnë edhe një aventurë të tij në Angli, ku Arsenali do ta pranonte me kënaqësi.
