Mario Balotelli prej disa muajsh e ka shfaqur hapur qëllimin e tij për t’u larguar nga Nica, skuadër ku aktivizohet prej dy sezonesh në kampionatin elitar francez. Sikurse informon L’Equipe, përfaqësuesit e sulmuesit italian vijojnë bisedimet me Olimpique Marseille.
Mirëpo drejtuesit e Nices, për shkak të paraqitjes me vonesë të futbollistit në stërvitje nuk lëkunden nga qëndrimi i tyre, duke kërkuar 10 milionë euro për kartoni i tij. Nga ana tjetër, te Marseille e konsiderojnë të ekzagjeruar këtë shifër.
Situata mes 27-vjeçarit dhe klubit francez, ku shënoi 26 gola në dy sezonet e fundit vazhdon të jetë e tensionuar.
