Skuadra e Romës ka bërë shumë afrime në këtë merkato vere. Drejtuesit e klubit verdhekuq po mendojnë së fundmi për largimet. Sipas asaj që shkruan “Tuttomercatoweb”, konfirmohet se Roma po përgatitet për largimin e parë.
Bëhet fjalë për sulmuesin, Grégoire Defrel i cili me shumë mundësi do largohet nga ky ekip në këtë merkato. Mësohet se 27-vjeçari ka folur me drejtuesit e klubi të cilët kanë thënë se lidhur me të ardhmen e francezit do vendoset në një moment të dytë që pritet të ndodhë në fillim të javës së ardhshme.
Ky nuk pritet të jetë largimi i vetëm nga skuadra e Romës, pasi drejtuesit kanë bërë shumë përforcime dhe tashmë e kanë radhën “pastrime” para se të startojë edicioni i ri futbollistik.