Horge Sampaoli as që e kishte kaluar në kokë dorëheqjen, pavarësisht eliminimit nga Franca, por ndoshta në ditët e ardhshme mund të ketë një mbledhje në Federatë mes palëve dhe ndoshta mund të mendohet edhe një shkarkim i tiji.
Ndërkohë, në median argjentinase kanë nisur sondazhet e para për të kuptuar se kush mund të jetë pasuesi i mundshëm i tiji dhe preferencat më të mëdha kanë rënë mbi pesë emra.
Në krye të listës janë dy “gjigantët” Diego Simeone i Atletikos dhe Mauricio Poçetino i Totenhemit. Ndërkohë, në skenë kanë dalë edhe emrat e ish-mesfushorit Matias Almeida, trajneri i meksikanëve të Çivas; Marselo Gajardo, aktualisht te River Plejti dhe Rikardo Gareka, trajneri aktual i kombëtares së Perusë.
