Kolumbia pritet të sfidojë Anglinë pa yllin e saj kryesorë James Rodriguez. Lajmi është konfrimuar nga vetë trajneri i “Los Cafeteros”, Jose Pekerman që në konferencën për shtyp përpara sfidës së nesërme ka deklaruar se shpreson se mesfushori të jetë i aftë të luajë.
“Pas testeve të tij mjekësore kemi pasur lajme të mira. Ne ende kemi një ditë e gjysmë për të parë se si ndihet ai, dhe si gjithmonë shpresojmë se ai do të jetë në gjendje të luajë kundër Anglisë.
“Muriel është një opsion (nëse James nuk është i aftë), ai ishte i shkëlqyeshëm gjatë ndeshjes kundër Senegalit, ai ishte në gjendje të ndryshonte ritmin, ai ishte teknikisht i talentuar dhe me të vërtetë i shpejtë.”-deklaroi Pekerman.
James ishte golashënuesi më i mirë në Botërorin e vitit 2014 në Brazil, por në Rusi ka vuajtur shumë nga dëmtimet.
