Partizani do të luajë të enjten në transfertë kundër Mariborit, ndeshje e kthimit për turin e parë të Europa League. Kualifikimi i të kuqve duket thuajse i pamundur duke qenë se janë mposhtur në takimin e parë me rezultatin 1-0.
Si të mos mjaftonte kjo, trajneri Skënder Gega duhet të bëjë mirë llogaritë pasi mbrojtësi Egzon Belica me gjasë nuk do të jetë në këtë sfidë, pas një dëmtimi në gju. Gjithashtu Sodiq Atanda ka probleme me dokumentacionin dhe mund të mbesë në Shqipëri.
Kësisoj tekniku i kuq duhet të modifikojë mbrojtjen. Ndoshta nga minuta e parë, është i detyruar ta nisë Enea Bitri dhe Statovci në linjën e djathtë. Megjithatë ende s’ka asgjë përfundimtare.
