Erkand Qerimaj i lumtur, peshëngritësi merr lajmin e shumëpritur. Peshëngritësi Erkand Qerimaj i njihet zyrtarisht medalja e bronxit në kampionatin e fundit botëror të zhvilluar në Anaheim në SHBA.
Lajmin e ka dhënë vetë peshëngritësi 29-vjeçar në llogarinë e tij personale në “Facebook”.
“Medalja e bronxit në Botëror! E konfirmuar nga Federata Botërore!”
Qerimaj e mbylli garën në vendin e katërt në të dyja stilet shkëputje dhe dygarësh, por peshëngritësi rumun Dumitru Captari që e përfundoi kompeticionin në vendin e tretë iu hoq medalja e bronxit pasi rezultoi pozitiv në testin anti-doping.
Peshëngritësja shqiptare Romela Begaj u penalizua sërish në këtë kampionat duke humbur medaljen e artë dhe të argjendtë të fituar në Botëror. Ajo u gjet se kishte përdorur substancë të ndaluar në kompeticion.
