Opinioni publik në Itali është tronditur pas dhunimit të një atleteje italiane me ngjyrë nga disa të rinj. Për policinë, ky është sulm racist dhe sportistja 22 vjeçare Daisy Osakue u sulmua në orët e para të mëngjesit të së hënës.
E sulmuara është sportiste në disiplinën e hedhjes së diskut dhe bën pjesë në kombëtaren italiane. Ajo deklaroi se përjetoi momente terrori. Ndërsa po kthehej në banesë një grup të rinjsh iu afruan dhe e sulmuan atë duke e ofenduar me sharje raciste. Ajo mori goditje në fytyrë dhe rrezikon që të marrë pjesë në kampionatin evropian në Berlin. Osakue ka lindur në vitin 1996 në Torino, ndërsa origjina e saj është nigeriane.