Karabaku i Ansi Agollit ka zyrtarizuar afrimin e bujshëm në merkato, teksa ka firmosur portieri i Islandës, Hanes Halldorson, i cili i priti penalltinë Lionel Mesit në ndeshjen e grupeve.
34-vjeçari u prezantua sot nga klubi azer dhe është një nga blerjet më të bujshme. Ai do të ndihmojë skuadrën për të ecur sa më gjatë në Ligën e Kampionëve.
Kujtojmë që Karabaku dhe Kukësi mund të ndeshen së bashku në raundin e dytë të Champions. Në rast se Kukësi kualifikohët ndaj Valetës dhe Karabaku mposht Olipija Lubjanën, atëherë do të kemi një përballje Kukësi-Karabak, ku futbollistët e klubit shqiptar do të tentojnë t’i shënojnë Halldarsonit.
