Ndonëse u prezantua, edhe pse me vonesë, në grumbullimin e Nice, e ardhmja e Mario Balotelli duket se është tjetërkund, më saktësisht te Olympique Marseille. Referuar asaj që shkruan Manu Lonjon, gazetar i “Yahoo Sports”, futbollisti shumë shpejt pritet që të prezantohet te Marseille, vetëm nëse nuk do të ketë ndonjë lëvizje të jashtëzakonshme.
Në lidhje me tratativën për transferimin e Balotelli, në konferencë për mediat ka folur edhe drejtori sportive i Marseille, Andoni Zubizarreta, që sa i përket transaksionit për sulmuesin e përfaqësueses së Italisë, deklaroi: “Po tentojmë të gjejmë një marrëveshje me Nice dhe Balotellin. Por gjithçka edhe duke eksploruar pista të tjera. Ka vendime që nuk varen nga ne”.
