Skuadra e Milan ditën e sotme ka fituar betejën me UEFA-n, por me shumë mundësi nuk arrin të gjejë akordin me mbrojtësin Leonrdo Bonuçi, i cili duket se ka kërkuar të largohet nga 7 herë kampionët e Europës.
Në lidhje me këtë çështje ka folur edhe trajneri Gennaro Gattuso, i cili është shprehur se Bonuçi është një profesionist i madh dhe për këtë duhen respektuar vendimet e lojtarit.
“Kam folur me Leon, është një profesionist i madh, por ndonjëherë duhet të respektojmë edhe vendimet e lojtarëve. Ai dëshiron të fitojë, ashtu sikurse ne, por në fillim duhet të respektojmë vendimin e tij”, ka përfunduar tekniku i kuqezinjve.