Skuadra e Romës duket se nuk e ka mbyllur ende merkaton. Drejtori sportiv i ekipit, Monchi ka edhe një dëshirë të fundit. Bëhet fjalë për francezin, Steven N’Zonzi, i cili aktivizohet me ekipin e Sevilla-s. Verdhekuqte i kanë “arkat” plot, sepse kanë shitur për 75 milion euro portierin Alisson te Liverpool, ndërsa skuadrës spanjolle i ofrohen deri më tani 35 milion euro.
Në vazhdim do të presim nëse kjo marrëveshje do të konkretizohet, pasi lojtari në fjalë është me shumë cilësi të mira teknike dhe i jep skuadrës shumë qetësi në fushë. Në 15 korrik N’Zonzi u shpall kampion bote me Francën në Botërorin e Rusisë.
