Mario Balotelli dhe Olympique Marseille janë gjithmonë e më pranë njëri tjetrit. Sipas asaj që raporton RMC Sport, sulmuesi italian, që ka vendosur tashmë të përfundojë eksperiencën e tij te Nice, është parë brenda ambienteve të fushës stërvitore të klubit të stërvitur nga Garcia, i shoqëruar edhe nga përfaqësuesi i tij ligjor.
Përkrah Balotellit u konstatua mungesa e menaxherit të tij, Mino Raiola. Palët duket se janë tashmë gati të gjejnë marrëveshjen për transferimin e ish-sulmuesit të Inter, Milan, Manchester City e Liverpool. Sipas të njëjtave raportime, Balotelli do të lidhë një kontratë 2-vjeçare me Marseille, ndërkohë që Nice duhet të arkëtojë rreth 10 milionë euro.
