Pas pak çastesh Franca dhe Belgjika do të zbresin në fushë për të dueluar për një vend në finalen e Botërorit “Rusi 2018”. Një ndeshje që është konsideruar si një finale e parakohshme. Belgjika gjatë gjithë Botërorit ka treguar një futboll tërheqë, por “Gjelat” e Deschamps janë aty për t’i mohuar finalen e parë të një Botërori në historinë e saj. Entuziazmi është i madh rreth “brezit të artë” të Belgjikës, një skuadre që është gati të hyjë në histori dhe e mbushur me lojtarë të nivelit të lartë si Hazard-Lukaku-De Bruyne.
Herën e fundit që dy skuadrat janë ndeshur në një Botëror, ka qenë pikërisht turneu meksikan i 32 viteve më parë, ku Franca fitoi 4-2 pas kohësh shtesë në ndeshjen për vendin e tretë.
