Drejtori sportiv i Roma-s, Monchi, po është kthyer në një nga personazhet më të kërkuar të Premier League. Ish-drejtori i Sevilla-s, Monchi ka kaluar te AS Roma ku po bën çudira në merkatë.
Të enjten, The Telegraph raporton se Chelsea kërkon të bindë drejtorin të transferohet në Londër me trajnerin e ri Maurizio Sarri që po insiston për mbërritjen e tij.
Monchi nuk e ka thyer heshtjen për thashethemet e largimit të tij nga Roma teksa është duke u munduar të mbyllë merkaton sa më mirë.
N’Zonzi është blerja e tij e fundit pasi më parë ishte ai që e kishte sjellë te Sevilla.
Kërkesa për drejtorë të aftë sportivë në Angli është e madhe pasi klubet kanë para për të shpenzuar.
Edhe Manchester United ka nisur kërkimet për një drejtor sportiv dhe Monchi është në krye të listës.
