Kampionati i ri ka nisur për Napolin dhe Carlo Ancelottit përmes konferencës për shtyp, në prag të sfidës së vështirë në fushën e Lazios. Një fillim sezoni sigurisht sfidues për “Azzurri”, të cilët në javën e dytë do të përplasen me Milanin e Gattusos.
Para mikrofonëve të mediave, Ancelotti u shfaq duke buzëqeshur: “Jam shumë i ngazëllyer, mjaft i lumtur që kthehem në Itali pas 9 vitesh. Shumë gjëra kanë ndryshuar. Sa kohë do të duhet për të parë Napolin e vërtetë? Mendoj se që nesër do të jemi të balancuar.
Disa teste kanë shkuar mirë, diku tjetër më keq, por kur ndryshoni, keni nevojë për kohë. Kurrë nuk kam folur për revolucion, por kush i ka parë lojërat e para e di se çfarë duam të bëjmë ndryshe. Me siguri do të jemi kompetitivë në Seria A dhe në Champions”.
