Liverpool ka fituar 5-0 ndaj Napoli në miqësoren e zhvilluar sonte në Dublin. Një paraqitje e shkëlqyer e të besuarve të Jurgen Klopp, që sivjet konsiderohen si pretendentë për të fituar titullin kampion në Premier League. Napoli i trajnerit të ri Carlo Anceloti del me kockat e thyera nga kjo miqësore luksi.
Liverpool pati fillimin e ëndërruar duke shënuar dy gola në dhjetë minutat e para me anë të mesfushorëve James Milner dhe Georginho Wijnaldum.
Golin e tretë e shënoi Mohamed Salah, kur u mbush një orë lojë, ndërsa paraqitja fantastike e ekipit anglez dhe dështimi i italianëve u konfirmua me dy golat e tjerë në harkun e pesë minutave, firmosur nga Daniel Sturridge dhe Alberto Moreno.
