Inter po mundohet të konsolidojë sa më shumë koloninë kroate në ekip, duke kërkuar prej disa ditësh blerjen e bujshme të Luka Modriç nga Real Madrid.
Megjithatë zikaltërit duhet të bëjnë kujdes pasi lojtarët që tashmë kanë në ekip nga kombëtarja nënkampione e botës janë vënë në qendër të vëmendjes edhe nga skuadra të tjera Europiane. Së fundmi është Ivan Perisiç ai që është “shigjetuar” nga Manchester United në Angli, me “djajtë e kuq” që po konsiderojnë bërjen e një oferte zyrtare për mesfushorin.
Perisiç u shpreh pak kohë më parë se ndihet mjaft mirë në Milano, megjithatë ai e la të hapur mundësinë e lëvizjes në ndonjë ekip tjetër nëse do të vinte oferta e duhur.
