Trajneri i Liverpool, Jurgen Klopp beson se Saido Mane, më në fund e ka kuptuar sa i aftë është, po shënon me rregullsi dhe mund të konsiderohet si një nga futbollistët më të mirë në qarkullim.
Me tre gola në dy ndeshjet e para, Mane po shkëlqen në këtë fillim sezoni në “tredhëmbëshin e kuq” me Salah dhe Firmino.
“Tani është i sigurt për nivelin që ka. Futbollistit ndonjëherë të habisnin sepse nuk e njohin veten e tyre dhe vetëm kur tregojnë më të mirën e vetes më besojnë mua. Mane është një futbollist cilësor dhe tani po e tregon ndeshje pa ndeshje se është ndër më të mirët në qarkullim.
Jo vetëm për golat, por ai është shumë i rëndësishëm edhe për manovrën e ekipit tonë dhe është shumë e bukur ta shohësh se sa potencial ka. Nuk e dinte se është ndër më të mirët, por në fakt është një nga sulmuesit më të mirë në botë. Jemi me fat që e kemi në ekip.” – tha Klopp, gjatë konferencës për shtyp para ndeshjes ndaj Brighton.