Zv.presidenti i Inter, Javier Zanetti, i jep mirëseardhjen Paolo Maldinit në Serie A, si drejtues i Milan. “Jam i lumtur që do të ketë sërish derbi me të. Jam shumë i lumtur për Paolon sepse ai është një profesionist i madh dhe njeri i shkëlqyer. Për futbollin rikthimi i tij është diçka shumë e mirë. Kam shumë respekt për të dhe tani do të më shijojë edhe më shumë fitorja kundër Milan. Si në kohët e vjetra.”
Maldini luajti 902 ndeshje me Milan në të gjitha veprimtaritë dhe nëntë vjet pasi u tërhoq nga futbolli do të rikthehet në klubin kuqezi si drejtori i strategjisë sportive.
Zanetti, “legjenda” e Inter me 858 ndeshje për zikaltërit, ka tre vjet që bën të njëjtën punë te klubi rival.
“I uroj Maldinit mirëseardhjen në karrierën e drejtuesit dhe suksese të mëtejshme,” – përfundoi Zanetti.
