E godet me grushte dhe e tërheq zvarrë, sportisti i njohur rreth keq të dashurën. Videoja e një lojtari bejsbolli që rreh të dashurën e tij ka tronditur mbarë botën.
Bëhet fjalë për lojtarin e bejsbollit nga Venezuela, Danry Vasquez, i cili siç shihet edhe në video sapo del nga shtëpia i gjuan me grushta dhe shpulla të dashurës së tij duke e tërhequr zvarrë nëpër shkallë teksa e dashura nuk bën aspak rezistencë.
Mediat e huaja kanë publikuar videon e rëndë të 24-vjeçarit ndërkohë që dhe vëtë sportisti e ka pranuar fajin.
Vasquez u gjobit nga prokuroria për rrahjen e të dashurës ndërsa vetëm dy ditë pas publikimit të videos drejtuesit e skuadrës Lancaster Barnstormers e kanë përjashtuar lojtarin nga grupi.
Sakaq përsa i përket të dashurës së tij pavarësisht skandalit duket që e ka falur pasi ka postuar disa foto me lojtarin e bejsbollit.
