Duhet të ndodhte dhe ashtu ndodhi. Courtois rrezikon të divorcohet në mënyrën më të keqe me Chelsean. Portieri belg, sipas asaj që raporton e përditshmja spanjolle “AS” ka nisur të grumbullojë gjoba për mungesat e tij të pajustifikuara. Bëhet fjalë për masa ndëshkimore shumë të majme. Portieri nuk u paraqit në stërvitje, ndonëse nuk kishte asnjë leje nga klubi, për të mos u paraqitur. Madje e ka bërë dy herë. Trajneri Sarri është i vetëdijshëm. Dialogu është konsumuar dhe Courtois i ka sqaruar teknikut atë që ai e dinte, pikërisht mundësinë që të largohet nga Chelsea, në drejtim të Real Madrid në Spanjë.
Courtois ka luajtur ndeshjen e tij të fundit zyrtare në Rusi dhe mbase edhe kartën e tij të fundit për të prishur marrëdhëniet. Por Chelsea nuk ka asnjë qëllim që të kapet ngushtë për qafe, ndonëse kontrata e futbollistit skadon vitin e ardhshëm. Blutë e Londrës kanë një parashikim disiplinor, me një masë ndëshkimore maksimale prej 223 mijë euro. Një zgjidhje që do të konsumonte përfundimisht ndarjen, por nuk do të modifikonte situatat dhe qëllimet.