Legjenda e Manchester United Gary Neville thotë se është e dhimbshme të shohësh ish-ekipin e tij nën drejtimin e Jose Mourinho-s.
Legjenda e United ka akuzuar klubin se po braktis traditat me portugezin në stol. Unitet dekadat e fundit ka luajtur me një 4-4-2 sulmues me lojë të shpejtë nga krahët dhe dy qendërsulmues.
Por Mourinho përdor një skemë më pragmatiste në Old Trafford dhe Neville mendon se klubi e ka gabim ndryshimin vetëm për sukses afatshkurtër.
“Ajax, Manchester United dhe Barcelona janë tre bastione në Europë për sa i përket stilit të lojës.
“United gjithmonë ka luajtur 4-4-1-1 ose 4-4-2 me dy mesfushorë krahu. Është integruar në klub. Mos e ndrysho për suksesin afatshkurtër,” shprehet Neville.
“Tifozët nuk janë të lumtur, stadiumi ka filluar të ketë vende bosh.”
