“Një tjetër fitore e rëndësishme. Forza djema”, kështu e përmblodhi Cristiano Ronaldo të shtunën në mbrëmje ndeshjen e tij të dytë me fanellën bardhezi. Goli mungoi sërish, këtë herë në “Allianz Stadium”, por i shkoi shumë pranë. Megjithatë, portugezi duket i lumtur pavarësisht se ende nuk ka realizuar me skuadrën e tij të re.
E diela e gjen numrin 7 përsëri në palestër, njëlloj si javën e kaluar pas fitores kundër Chievos, pavarësisht se ishte një ditë pushimi për skuadrën. Portugezi është stërvitur në palestrën e shtëpisë së tij, ndërsa ka postuar një foto edhe në rrjetin social Instagram, ku i uron ndjekësve të tij një të dielë të gëzueshme.
Bashkë me të edhe e dashura, Georgina Rodriguez, e cila postoi një foto në Insta Story ku dukej edhe Ronaldo duke bërë ushtrime force. Modelja spanjolle duket se është përshtatur më së miri me jetën e re në Torino dhe ngjyrat e reja për të cilat luan i dashuri i saj. Pas fitores së të shtunës, ku ajo ishte në tribunë, postoi edhe një foto në hyjre të stadiumit duke cituar edhe një pjesë të himnit bardhezi…
