“Ndihet mirë tek Inter-i me Conte-n, që është një trajner i madh, loja e tij ekzalton Achraf-in dhe besoj se do të përmirësohet shumë me këtë eksperiencë zikaltër”.
Këto kanë qenë fjalët e Alejandro Camano, menaxheri i mbrojtësit Hakimi, i cili ka lëshuar edhe një “bombë” merkatoje.
“Hakimi te Napoli? Pse jo. Napoli, për mua dhe gjithë argjentinasit, është skuadra e zemrës. Aty ka luajtur më i madhi i të gjitha kohërave, kështu që nuk përjashtojmë asgjë për të ardhmen”, ka thënë Camano për Radio Kiss Kiss Napoli.
Për momentin nuk ka asnjë shqetësim, por fjalët e menaxherit të Hakimi-t nuk do të pëlqehen shumë nga tifozët zikaltër.
