Juventus duket se këtë vit po mendon seriozisht për të sjellë në shtëpi trofeun e munguar prej shumë kohësh, flasim këtu për Champions Leaguen. Drejtuesit e “Zonjës së Vjetër” kanë bërë lëvizje të bujshme në këtë merkato, duke nisur me Cristiano Ronaldon dhe për ta mbyllur me rikthimin e Paul Pogba, sikurse raportojnë mediat italiane.
Së fundmi, kampionët po mendojnë për rinovimet. I pari që pritet të rinovojë me Juventusin është mesfushori boshnjak, Miralem Pjanic. Edhe pse për të u ofruar 100 milionë euro nga disa skuadra, pritet që ai të qëndrojë në Itali.
Një tjetër firmë që pritet të hidhet është ajo e mbrojtësit italian, Daniele Rugani. Drejtuesit e kampionëve pritet t’i besojnë edhe për shumë kohë 24-vjeçarit i cili sezonin e shkuar bëri një punë të mirë, si në kampionat ashtu edhe në Champions League.
