“Në letra, Juventusi është skuadra më e fortë, nuk ka diskutime, por shumë gjëra mund të ndodhin gjatë sezonit, dhe të mendosh për gjëra të mëdha, është në ADN-në e Milanit.” Ky është mendimi i një legjende të futbollit, dhe një nga lojtarëve që ka lënë gjurmë në historinë e “djallit”, Rikardo Kaka.
Në një intervistë për “Gazzetta dello Sport”, braziliani, i cili kohët e fundit është lidhur edhe me një rikthim të mundshëm tek Milani, këtë herë në rolin e një drejtuesi, flet Milanin e ri, Leonardon, Maldinin, Gatuzon, apo edhe për Ronaldon në Itali.
Leonardo është pak si kumbari juaj në futbollit. Çka e çoi në Milan?
“Përvoja, kontaktet ndërkombëtare me FIFA, UEFA, me klubet e mëdha. Leo ka bërë gjithçka, ka udhëtuar botën, është inteligjent dhe e di mirë botën e komunikimit dhe e di se si të menaxhojë një ekip të rëndësishëm”.
Çfarë mund t’i shtojë Maldini, drejtimi të Milanit?
“Paolo është historia, flamuri është idhulli. Në botë, nëse flasim për Milanin flasim për Paolon dhe anasjelltas. Paolo personifikon besnikërinë, nuk dua të them asgjë për lidershipin e mëparshëm, me të cilin ka pasur disa kontakte, por tani ka diçka të ndryshme, sepse ka rizbuluar ADN-në e kuqezinjve. Ai ka rikuperuar karakteristikat e klubit, ndjenjën e përkatësisë. Leo, Paolo që janë kthyer, si dhe Gattuso i cili ka mbetur në stol Rino është ai që sjell grintën, ka frymën e atyre që nuk heqin dorë, ishte kështu kur ai luante, dhe tani që është trajner.”
Si ju duket ky Milan?
“Është një ekip që po përpiqet seriozisht të rifillojë vendin e tij në futbollin e madh dhe nuk do të duhet të neglizhojmë Europa League, dhe kur ekipet të eliminohen nga Liga e Kampionëve, do të jetë një turne shumë interesant dhe të fitojë do të jetë themelore.”
Shkuat në 2009 tek Reali, bashkë edhe me Kristiano Ronaldon. Si është ai?
“Për futbollin italian është e mrekullueshme që të ketë, të sjellë përsëri shikueshmërinë, sponsorët, interesimin e medias në të gjithë botën, kampionët tani nëse kanë shanse të vijnë dhe të luajnë në Serie A, mendoj se Kristiano sjell kaq shumë gjëra në sistemin italian të futbollit si një e tërë , jo vetëm Juventusit.”
E shihni veten tek Milani?
“Nuk e di, për momentin dua të qëndroj me familjen time në Brazil dhe nuk mendoj për një angazhim të tillë. Sigurisht që do doja të kontribuoja për Milanin në të ardhme, por për momentin mund të vij në Itali vetëm për çështje personale, pse jo të provoj San Siro-n edhe si tifoz.”
