Elton Kale është një nga emrat më të përfolur në këtë merkato vere. Mesfushori shtatshkurtër pretendon se ka mbyllur kontratën me Kukësin, ndërsa verilindorët theksojnë se ai është juridikisht i tyre. Kjo çështje duhet të gjejë zgjidhje vetëm përmes rrugëve gjyqësore, pasi asnjë nga palët s’lëshon pe.
Së fundmi mësohet se mesfushori brazilian ka injoruar të gjithë aludimet në lidhje për të ardhmen e tij. Ai ka udhëtuar drejt Greqisë, ku i është bashkuar Flamurtarit së bashku me Torasën për fazën përgatitore. Sezoni po afron dhe kohë për të humbur nuk ka. Kësisoj, braziliani duket i prerë dhe i bindur për të drejtën e tij.
