Alex Miescher, Sekretari i Përgjithshëm i Federatës Zviceriane të Futbollit, ka dhënë sot dorëheqjen nga posti i tij për shkak të keqkuptimeve që nxiti debati për lojtarët me dyshtetësi në kombëtaren helvete.
E gjitha ndodhi pas festës me shqiponjë të Xhakës dhe Shaqirit në ndeshjen e Botërorit kundër Zvicrës, teksa Miescher nuk u kursye duke kritikuar përjashtimin e lojtarëve.
“Për nëntë vite kam pasur privilegjin të ndihmoj futbollin zviceran, që nga fëmijët e deri tek elita. Javët e fundit ka pasur shumë keqkuptime dhe kam vendosur të largohem”, – shkruan Miescher në dorëheqjen e tij. Presidenti Gileron e ka pranuar këtë dorëheqje dhe vendin e Miescher do ta zërë Robert Breiter.
