Salah dhe Mane janë të pakapshëm në sprint? Pothuajse! Dy sulmuesit në dispozicion të Jurgen Klopp janë me të vërtetë si dy “raketa”, këtë e tregoi edhe minuta e 92-të në ndeshjen e fundit kundër Crystal Palace, ku shënuan me kundërsulm golin e dytë për Liverpool, që nisi nga një goditje nga këndi për kundërshtarin.
Askush nuk mundi t’i arrijë, por me ritmin e tyre ka vrapuar edhe Michael Oliver. Një shpetësi mbresëlënëse e gjyqtarit, edhe pse ishim në kohën shtesë.
Një sprintier fantastik, që e shoqëroi aksionin deri në fund, duke vrapuar me të njëjtën shpejtësi si Salah apo Mane.
Oliver u bë i famshëm me penalltinë e dhënë në favor të Real Madrid, kundër Juventus, në minutën e fundit të gjysmëfinales në Champions League, duke shkaktuar protestat e bujshme të Buffon, i cili u ndëshkua me karton të kuq.
Por kjo video në “Twitter” tregon përse anglezët e konsiderojnë si një nga “xhaketat e zeza” më të mira në qarkullim…
Michael Oliver GASSSSSSSS🤣🤣 pic.twitter.com/5hULqZLqp5
— AFCOfficial 📲⚽️🏆🍻🥂🍾 (@AFCOfficial2) August 22, 2018
