Futboll Seria A Sport

Mbrojtësi shqiptar iu bë hije Dzekos, merr vlerësim të lartë

Berat Gjimshiti duket se e ka fituar “bastin” me Atalantën, që vetëm në ditët e fundit vendosi të mos e largonte mbrojtësin shqiptar, i cili rikthehej në Bergamo pas një tjetër sezoni në huazim, këtë radhë te Benevento, që nuk mbijetoi në Serinë A.

Shtatlarti shqiptar u vlerësua poitivisht për paraqitjen e tij në sfidën e “Olimpicos” ndaj Romës, që përfundoi në barazim 3-3, me Eurosport.it që e vlerësoi me notën 6.5. Vetëm tre lojtarë të tjerë të Atalantës, Zapata, Rigoni dhe Catagne kishin notë më të lartë se qendërmbrojtësi (7).

“Meritonte shumë më tepër, por e humbi Florenzin në rastin e golit të dytë të Romës. Për pjesën tjetër të ndeshjes, iu bë hije Edin Dzekos, që nuk arriti të shfaqej i rrezikshëm.”

Kështu shkruhej në paragrafin kushtuar paraqitjes së shqiptarit.

Kjo ishte ndeshje e dytë radhazi titullar për Gjimshitin në Serinë A, e tretë duke përfshirë edhe atë të Europa League ndaj Kopenhagenit. 25-vjeçari duket qartë se ka fituar besimin e trajnerit Gasperini.

Related posts

JEP DISA PËRGJIGJE TË SINQERTA/ Andi Lila “pa doreza”: Ju tregoj lojtarin më të suksesshëm me femrat në Kombëtare

Delo.autor

TREGON QË MBETET NJË “KILLER” PARA PORTËS/ Mauro Icardi shënon dopietë me PSG, ja “PERLAT” (VIDEO)

Delo.autor

E PABESUESHME/ Në Peru luan 18-vjeçari Osama Vinladen: Vëllai im quhet Saddam Hussein

Delo.autor

Leave a Comment