Eksperienca te Milani e Luca Antonellit tani mund të përfundojë. Futbollisti taliani takoi dje menaxhmentin e kuqezinjve në Milano, çiftin Leonardo-Maldini, të cilët lanë të kuptohej se janë për shitjen e tij. Ndërkohë, katër skuadra të Seria A kanë shprehur interes.
Siç raportohet nga “Tuttosport”, Genoa dhe Empoli kanë filluar tashmë kontaktet e para me Antonellin, prandaj janë në “pole”, ndërsa Parma dhe Bologna janë më të kufizuara. Antonelli merr më shumë se 2 milionë euro në vit, bruto, prandaj Milani do të duhet të njohë një largim të mirë të lojtarit, për ta bërë operacionin të mundur.
Në ditët e ardhshme, detajet e fundit do të përcaktohen: nëse marrëveshja ekonomike me klubin e ri e bind Antonelli apo jo. Me kuqezinjtë, lojtari në fjalë do ta ketë të vështirë të luajë më shumë minuta, duke pasur parasysh se ka rivalë në rol Rodriguez dhe Strinic.
