Të shtunën, brënda rubrikës ‘Fuorigioco’ të gazetës sportive më të madhe italiane ‘La Gazzetta dello Sport’ është paralajmëruar se do të publikohet intervista e plotë e menaxheres dhe bashkëshortes së sulmuesit të Inter, Mauro Icardi, e famshmja Wanda Nara.
Në prag të debutimit të saj si bashkëprezantuese e emisionit “Tiki Taka” që do të nisë trasmetimin në kanalin “Italia 1”, Wanda e njohur jo aq shumë për punën e saj si menaxhere, se sa për format e saj ekstravagante dhe fotot eksituese që publikon pa asnjë rezervë në rrjetet sociale, ka folur në këtë intervistë për karrierën e saj, teksa ndër të tjera ka deklaruar: “Nuk jam peshkaqen… Jam e përulur, normale dhe e mirë! Në televizion jam e suksesshme, nuk më mungon as grinta për të kritikuar Mauron”.