Xherdan Shaqiri u transferua këtë verë te gjigantët anglezë të Liverpool për 18 milionë euro në nje lëvizje mjaft të bujshme për shqiptarin e Zvicrës.
Por në Angli shumë janë skeptikë se sa do të mundet 26-vjeçari të përshtatet me lojën e “the reds”. Ish-futbollisti legjendar i Liverpool dhe i kombëtares angleze Fil Thompson ka komentuar në lidhje me këtë çështje duke thënë se ai mund të rezultojë një dështim si Baloteli ose një sukses i vërtetë si Mane.
“Me talentin që ka është vështirë të flasësh para kohe. Mund të rezultojë një blerje si Baloteli, por mund edhe të bëjë diferencën si Sadio Mane”, mësohet të ketë thënë 64-vjeçari për Sky Sports.
