Albi Doka nuk do të jetë në planet e trajnerit Ze Maria për ndeshjen e rradhës kundër Kukësit. Tekniku brazilian ka ndëshkuar në këtë mënyrë mbrojtësin e ri të Tiranës për reagimin e tij pas zëvendësimit në sfidën e javës së shkuar kundër Teutës.
Doka reagoi ashpër pas daljes nga fusha duke u drejtuar menjëherë drejt dhomave të zhveshjes, gjë që nuk i pëlqeu aspak trajnerit i cili e kritikoi publikisht në media pas takimit. Gjatë gjithë javës Doka nuk është aktivizuar me ekipin e parë në stërvitje dhe vendin e tij e ka zënë Kërçiku, duke e bërë fakt të kryer përjashtimin e lojtarit të shpresave nga formacioni titullar për sfidën ndaj verilindorëve.
