Kohët e fundit flitet se Tomas Myler mund të largohet në merkaton e janarit, pasi nuk ndihet i lumtur te Bajerni.
Sulmuesi gjerman nuk e ka pritur aspak mirë që të jetë një zëvendësues te skuadra ku ai luan prej 12 vitesh dhe, për këtë arsye ka filluar të mendojë largimin në merkaton e janarit.
Disa skuadra nga Premier Liga po ndjekin me kujdes situatën e lojtarit, por edhe nga Italia janë Milani dhe Interi që interesohen për lojtarin. Megjithatë Myler nuk do të largohet nga Bajerni, të paktën në merkaton e janarit.
Sipas asaj që shkruan “Bild”, gjermanët nuk janë të gatshëm ta lënë të lirë futbollistin në janar, pasi nuk mund të gjejnë zëvendësuesin e tij.