Armando Sadiku ishte në merkato që para se të dëmtohej rëndë, por lajmi i hidhur i dëmtimit të tij dhe operacionit që do t’i kushtojë 6 muaj mungesë ka detyruar Levanten të mos presë më dhe të blejë sulmues të ri.
Sot klubi nga Valencia ka zyrtarizuar sulmuesin Rafael Duamena, i cili në dy sezonet e fundit ka shkëlqyer te Zyrihu.
Vetëm 22 vjeç, Duamena ka shënuar 21 gola në 50 ndeshjet e luajtura në dy kampionatet e fundit. Për ta blerë, Levante ka vendosur një rekord në historinë e vet, sepse ka paguar 6.2 milionë euro.
Natyrisht, për sulmuesin e ri është në hap gjigant përpara dhe Levante duket se beson shumë te lojtarët që kanë shkëlqyer në Zvicër, pasi edhe Sadiku kulmin e vet e ka arritur në Superligën zvicerane, por më pas nuk ia doli në Poloni e në Spanjë.