Futbollisti i Liverpulit Tiago Alkantara është infektuar me koronavirus. Lajmi u dha nga kampionët e Anglisë, të cilët bënë me dije se futbollisti spanjoll ka rezultuar pozitiv me COVID-19 pas marrjes së përgjigjes së analizave të tamponëve.
“Tiago Alkantara ka rezultuar pozitiv me COVID-19 dhe aktualisht është vetëizoluar sipas rregullave”, raporton Liverpuli në faqen zyrtare.
Ish-lojtari i Bajernit nuk u grumbullua për ndeshjen e djeshme kundër Arsenalit me arsyetimin se ishte i dëmtuar, por ditën e sotme është konfirmuar se blerja më e re e Liverpulit ka marrë koronavirusin.
